Piter Griffits «Qazaqstannyń aviatsiialyq ákimshiligi» AQ bas direktory qyzmetinen ketedi. Bul týraly QR Indýstriia jáne infraqurylymdyq damý ministrligi Azamattyq aviatsiia komitetinen málim etti, dep habarlaidy QazAqparat.
«2021 jylǵy 7 jeltoqsanda berilgen ótinishine sáikes 2022 jylǵy 7 aqpannan bastap Piter Griffitstiń «Qazaqstannyń aviatsiialyq ákimshiligi« AQ bas direktory qyzmetindegi ókilettigi óz erkimen toqtatylady.
Piter Griffits «Qazaqstannyń aviatsiialyq ákimshiligi« AQ qurylǵannan beri 2 jyldan astam jumys istedi jáne aviatsiialyq retteýshiniń damýyna úlken úles qosty. Onyń basshylyǵymen azamattyq aviatsiiany basqarý boiynsha aldyńǵy qatarly eýropalyq modelge sáikes aviatsiialyq ákimshiliktiń qalyptasýy ótti. Mundai tásil Qazaqstanda alǵash ret engizildi jáne TMD elderi arasynda biregei bolyp tabylady», - dep atap ótedi komitetten.
2022 jylǵy 7 aqpannan bastap Linda Orledi «Qazaqstannyń aviatsiialyq ákimshiligi» AQ bas direktory mindetin ýaqytsha atqaratyn bolady. Ol 2019 jylǵy jeltoqsannan bastap Bas direktordyń birinshi orynbasary, ushý qaýipsizdiginiń bastyǵy qyzmetin atqaryp keldi.
Vedomstvo málimetinshe. 2021 jylǵy 2-11 tamyz aralyǵynda ushý qaýipsizdigi boiynsha IKAO-nyń Úilestirilgen validatsiialyq missiiasy (ICVM) aiasynda IKAO aýditorlarynyń salany táýelsiz tekserý qorytyndylary boiynsha Qazaqstan IKAO standarttaryna sáikestiktiń ortasha álemdik deńgeiinen 15 paiyzǵa asyp, 84 paiyzǵa jetti.
