QR Indýstriia jáne infraqurylymdyq damý ministrliginiń keńeitilgen alqa májilisinde qazaqstandyq FlyArystan loýkoster arqyly 875 myńnan astam bilet satylǵany aityldy, dep habarlaidy QazAqparat.
«Aviabilet qunyn azaitý jáne áýe tasymaldaýda básekeni arttyrýdyń negizgi ádisiniń biri retinde ótken jyly alǵash ret qazaqstandyq FlyArystan loýkosterin iske qostyq. 2019 jyly 875 myńnan astam bilet satyldy, onyń 50%-ynyń baǵasy 10 myń teńgeden tómen», - deidi QR Indýstriia jáne infraqurylymdyq damý vitse-ministri Berik Qamaliev.
Sonymen qatar, QR Premer-Ministriniń orynbasary Roman Skliar Air Astana áýe kompaniiasynyń basshysy Piter Posterden loýkosterdiń baǵa saiasaty týraly surady.
«FlyArystan bilet baǵasy qanshalyqty tómendedi? Bilettiń jartysy eń tómengi baǵamen satylsa, ol Air Astana kórsetkishine qalai áser etti?», - dep surady ol.
Piter Foster FlyArystan tarifteri básekege qabiletti ekenin aitty.
«1 mamyr men osy ýaqytqa deiin satylǵan biletterdiń ortasha quny - 13 myń teńge. FlyArystan satqan biletter Air Astana kórsetkishine áser etken kezi boldy. Ishki naryqta tarifter orta eseppen 10% tómendedi», - dedi Piter Foster.
Air Astana basshysy ishki jolaýshylar aǵynynyń jalpy ósimi 2019 jyldyń 1 mamyrynda 62% quraǵanyn aitty.
«Qazirgi tańda Qazaqstanda Air Astana kompaniialar toby álemdegi áýe tasymaly boiynsha ishki naryǵy eń jyldam ósip kele jatqanyn kórsetti. Biz osyndai nátije bolǵany úshin qýanyshtymyz», - deidi ol.
