Foto: QR PIB baspasóz qyzmeti
Qazaqstan Prezidenti Is Basqarmasy Aqorda qabyrǵasynyń qulaǵan bóligi túsirilgen sýretke qatysty túsinik berdi, - dep habarlaidy Tengrinews.kz tilshisi.
Bloger Azamat Erǵali Facebook-te Prezident rezidentsiiasynyń sýretin jariialady, onda ǵimarattyń syrtqy qulaǵan bóligin kórýge bolady.
PIB baspasóz qyzmeti ǵimaratta jóndeý jumystary júrip jatqanyn habarlady.
"Osy jazda "Aqorda" rezidentsiiasy ǵimaratynyń shatyry josparly jóndeýden ótip jatyr. Jumystar mamyrda bastaldy, qyrkúiekte aiaqtalady. Sándi element qurylys platformasyn shatyrǵa kedergisiz kóterý úshin alyndy. Jumys aiaqtalǵan soń erneý burynǵy ornyna bekitiledi. Qazir ol qoimada jatyr", - dedi PIB ókilderi.
"Erteń, jumys kúni, jaǵalaý jaqtan qurylys platformasynyń Aqorda shatyryna kóterilgenin kórýge bolady", - dedi baspasóz qyzmetindegiler.
