© Sputnik / Abzal Kaliev
Niderlandydaǵy tanymal Philips kompaniiasy qazaqstandyq ǵalym Órken Mamyrbaevqa seriktestik usyndy, dep habarlaidy Sputnik Qazaqstan.
Bilim jáne ǵylym ministrligi ǵylym komitetiniń aqparattyq jáne esepteýish tehnologiialar institýtynyń ǵylymi qyzmetkeri Órken Mamyrbaev qazaq tilinde aitylǵan sózdi tanýǵa arnalǵan júie oilap tapty.
"Kazak ASR intellektýaldy júiesi Telegram messendjerinde chat-bot retinde jumys istep tur. Júie daýys signaldaryn anyqtap, olardy bir-birimen bailanysty mátinge ainaldyrady", - dep habarlady Qazaqstan bilim jáne ǵylym ministrliginiń baspasóz qyzmeti.
Qazirgi ýaqytta qazaq tilinde aitylǵan sózdi taný tehnologiiasyn Philips kompaniiasynyń ónimine engizýge daiyndyq júrip jatyr.
Qazaqstan naryǵyna arnalǵan kollaboratsiia aiasynda aitylǵan sózdi avtomatty túrde mátinge ainaldyratyn Philips-tiń dybys taný múmkindigi bar Smart Mike Duo mikrofony usynylady.
"Mundai mikrofon aqparatty mátin túrinde saqtaý qajettili týyndaityn túrli jiyndarda hattamalar úshin kerek bolady", - dedi Órken Mamyrbaev.
