Vaktsina shyǵaratyn birneshe farmatsevtikalyq korporatsiia «Omikrondy» zertteýge kiriskenderin jáne qajet bolǵan jaǵdaida óz preparattaryn túrlendirýge daiyn ekenin málimdedi, dep habarlaidy QazAqparat VVS-ge silteme jasap.
Pfizer jáne Biotech kompaniialary jańa shtamm olardyń vaktsinalaryna tózimdi bolsa, olar «shamamen 100 kún ishinde osy nusqaǵa qarsy arnaiy beiimdelgen vaktsina jasaýǵa jáne shyǵarýǵa» daiyn ekenin aitty.
«Spýtnik V» jasap shyǵarǵan Gamalei atyndaǵy Máskeý ortalyǵynyń basshysy Aleksandr Gintsbýrg Interfaksqa reseilik ǵalymdar vaktsinalaryn jańa nusqaǵa beiimdeýge daiyn ekenin aitty. Onyń aitýynsha, aldymen ortalyq osy mýtatsiia úshin burynnan bar preparattyń tiimdiligin tekseredi.
«Ondai modifikatsiia jasaýǵa bolady. Vaktsinany túlendirý tez bolady, biraq onyń qajet ekenin virýsty beitaraptandyrý qabiletin anyqtaǵannan keiin bile alamyz», - dedi ol.
Sondai-aq, Gintsbýrg Gamalei atyndaǵy ortalyq «Delta» nusqasy shyqqannan keiin «Spýtnik V» vaktsinasyn túrlendirmegenin eske saldy. Sebebi, ekpe «83-85-90%-ǵa» tiimdi bolyp shyqty.
Taǵy bir vaktsina óndirýshi - Moderna firmasy bylai dedi: «2021 jyldyń basynan bastap Moderna-nyń jańa shtammdarǵa baǵyttalǵan muqiiat oilastyrylǵan strategiiasy bar.
