Atyraý oblysynda balalarǵa Pfizer vaktsinasy emhanalarda salynady, dep habarlaidy QazAqparat.
Oblystyq densaýlyq saqtaý basqarmasynyń baspasóz qyzmetinen málim etkendei, erteń, 12 qarashada Atyraýǵa izraildik Pfizer vaktsinasynyń alǵashqy 17 550 dozasy jetkiziletini kútilip otyr.
Atyraý oblysyna 9 qarashada vaktsinany muzdatýǵa arnalǵan 2 kamera ákelindi. Qazir oblysta 12 men 18 jas aralyǵyndaǵy 63 138 bala esepte tur. Onyń ishinde 70%-y nemese 44 196 adam Covid-19 infektsiiasyna qarsy vaktsina saldyrýshylar tizimine engizildi. Biraq, 12 men 18 jas aralyǵyndaǵy balalarǵa vaktsina ata-anasynyń ruqsatymen turǵylyqty meken-jaiynda tirkelgen emhanalarda salynady» -dep málim etti basqarmanyń baspasóz qyzmetinen.
Budan buryn Atyraý oblysynda Pfizer vaktsinasyn 76 myń adam alatynyn jazǵan edik.
