Petropavldaǵy 4 mektepke Smaǵul Sádýaqasovtyń, Álihan Bókeihannyń, Ahmet Baitursynulynyń jáne Qajymuqan Muńaitpasovtyń esimderi berilmek. QR Úkimetiniń qaýlysy ashyq normativtik-quqyqtyq aktiler saitynda jariialandy, dep habarlaidy QazAqparat.
Petropavldyń 4 mektebine Alash qairatkerleriniń esimderin berý týraly Soltústik Qazaqstan oblystyq onomastika komissiiasynyń usynysy Úkimette qaralyp, qoldaý tapty. Tiisti qujat ashyq normativtik-quqyqtyq aktiler saitynda jariialanyp, kóptiń talqysyna usynyldy. Qoǵamdyq talqylaý 2022 jyldyń 5 qańtaryna deiin jalǵaspaq.
Qujatqa sáikes Petropavl qalalyq № 25 jalpy bilim beretin orta mektepke – qoǵam qairatkeri, Alash partiiasynyń jetekshisi Álihan Bókeihannyń, №2 orta mektepke – memleket, saiasi, mádeniet qairatkeri, SQO týmasy Smaǵul Sádýaqasulynyń, №9 orta mektepke qazaqtyń aqyny, qoǵam qairatkeri, aǵartýshy, Alash Orda ókimetiniń múshesi Ahmet Baitursynulynyń esimi beriledi.
Al ulttyq sport túrlerinen oblystyq balalar men jasóspirimder sport mektebi qazaqtyń tuńǵysh kásipqoi balýany Qajymuqan esimimen atalmaq.
Petropavl mektepterine Alash qairatkerleriniń esimderin berý týraly Soltústik Qazaqstan oblystyq máslihaty 7 shaqyrylymynyń kezekten tys ótken sessiiasynda sheshim qabyldanǵan edi.
