پەتروپاۆلداعى 4 مەكتەپكە سماعۇل سەدۋاقاسوۆتىڭ, ەليحان بٶكەيحاننىڭ, احمەت بايتۇرسىنۇلىنىڭ جەنە قاجىمۇقان مۇڭايتپاسوۆتىڭ ەسٸمدەرٸ بەرٸلمەك. قر ٷكٸمەتٸنٸڭ قاۋلىسى اشىق نورماتيۆتٸك-قۇقىقتىق اكتٸلەر سايتىندا جارييالاندى, دەپ حابارلايدى قازاقپارات.
پەتروپاۆلدىڭ 4 مەكتەبٸنە الاش قايراتكەرلەرٸنٸڭ ەسٸمدەرٸن بەرۋ تۋرالى سولتٷستٸك قازاقستان وبلىستىق ونوماستيكا كوميسسيياسىنىڭ ۇسىنىسى ٷكٸمەتتە قارالىپ, قولداۋ تاپتى. تيٸستٸ قۇجات اشىق نورماتيۆتٸك-قۇقىقتىق اكتٸلەر سايتىندا جارييالانىپ, كٶپتٸڭ تالقىسىنا ۇسىنىلدى. قوعامدىق تالقىلاۋ 2022 جىلدىڭ 5 قاڭتارىنا دەيٸن جالعاسپاق.
قۇجاتقا سەيكەس پەتروپاۆل قالالىق № 25 جالپى بٸلٸم بەرەتٸن ورتا مەكتەپكە – قوعام قايراتكەرٸ, الاش پارتيياسىنىڭ جەتەكشٸسٸ ەليحان بٶكەيحاننىڭ, №2 ورتا مەكتەپكە – مەملەكەت, ساياسي, مەدەنيەت قايراتكەرٸ, سقو تۋماسى سماعۇل سەدۋاقاسۇلىنىڭ, №9 ورتا مەكتەپكە قازاقتىڭ اقىنى, قوعام قايراتكەرٸ, اعارتۋشى, الاش وردا ٶكٸمەتٸنٸڭ مٷشەسٸ احمەت بايتۇرسىنۇلىنىڭ ەسٸمٸ بەرٸلەدٸ.
ال ۇلتتىق سپورت تٷرلەرٸنەن وبلىستىق بالالار مەن جاسٶسپٸرٸمدەر سپورت مەكتەبٸ قازاقتىڭ تۇڭعىش كەسٸپقوي بالۋانى قاجىمۇقان ەسٸمٸمەن اتالماق.
پەتروپاۆل مەكتەپتەرٸنە الاش قايراتكەرلەرٸنٸڭ ەسٸمدەرٸن بەرۋ تۋرالى سولتٷستٸك قازاقستان وبلىستىق مەسليحاتى 7 شاقىرىلىمىنىڭ كەزەكتەن تىس ٶتكەن سەسسيياسىندا شەشٸم قابىلدانعان ەدٸ.
