Petropavldaǵy «Nur» meshitinde órt shyqty. Zardap shekkender, qaza tapqandar joq, dep habarlaidy QazAqparat.
SQO tótenshe jaǵdailar departamenti baspasóz qyzmetiniń málimetinshe, búgin tańǵy saǵat 7.40 minýt ketkende «101» jedel arnasyna Petropavldaǵy Jabaev kóshesi, 160 meken jaida ornalasqan «Nur» meshitinde órt shyqqany jóninde habarlama túsedi.
Oqiǵa ornyna № 1 jáne № 2 mamandandyrylǵan órt sóndirý bólimderiniń, oblys ortalyǵynyń № 3 órt sóndirý bóliminiń jáne SQO TJD jedel-qutqarý jasaǵynyń bólimsheleri jiberildi.
Órt meshit ashanasyna irgeles aǵashtan salynǵan sharýashylyq nysanynda shyqqan eken. Ǵimarat otqa oranyp úlgeripti.
Nátijesinde ashana men ǵibadat ǵimaraty órtten aman qaldy. Oqiǵa ornynan jeti 50 litrlik gaz ballony shyǵaryldy.
Saǵat 8.11 minýt ketkende órt tolyq sóndirildi.
Qaza bolǵandar men zardap shekkender joq.
Órt saldarynan 2 jeńil avtokólik ishinara zaqymdandy, sharýashylyq qurylysy janyp ketti.
Mamandardyń aitýynsha, órttiń shyǵýyna elektr jelileriniń qysqa tuiyqtalýy sebep bolǵan.
