Foto: © pkzsk.info
Petropavlda órt kezinde otbasynan aiyrylǵan er azamat úsh adamdy óltirdi degen kúdikpen ustaldy, dep habarlaidy Sputnik Qazaqstan.
Esterińizge sala keteiik, qaiǵyly oqiǵa 25 qyrkúiek kúni keshke bolǵan. Bereke shaǵyn aýdany Volochaevskaia 113 mekenjaiyndaǵy jeke turǵyn úide órt kezinde jas áiel men eki jas bala kóz jumdy.
Órt sóndirýshiler janǵan úidiń kireberisinen úsh máiit tapqan: 2003 jyly týǵan áiel, 1 jastaǵy qyz ben 5 jastaǵy ul.
"Oqiǵa ornyn teksergen kezde pesh jaǵylmaǵany anyqtaldy. Órt elektr symdarynyń tuiyqtalýynan bolýy múmkin. Óitkeni úidiń tóbesi órtten kóp zaqymdanǵan", - dedi sol kezde SQO TJ departamenti memlekettik órt baqylaý basqarmasynyń bastyǵy, azamattyq qorǵaý podpolkovnigi Aslan Ahmetjanov.
Órt shyqqanda áiel uiyqtap jatqan kúieýin oiatqan.
"Er adam áieline "men terezeni ashamyn, oryndaryńda bolyńdar" degen. Ol terezeni syndyryp jatqanda, áiel balalarymen kireberis dálizge shyqqan. Biraq órtten qutqara almaǵan. Tekserý kezinde balalardyń denesi kireberistegi esiktiń janynan, sál alysta bir jarym-eki metr qashyqtyqta áieldiń denesi tabyldy", - dedi sol kezde Aslan Ahmetjanov.
Alaida bir aidan keiin otaǵasy kisi óltirdi degen kúdikpen ustaldy.
"Bul fakt Qylmystyq kodeksiniń 292-babynyń 3-bóligi "Eki nemese odan da kóp adamnyń abaisyzda ólimine ákep soqqan órt qaýipsizdigi talaptaryn buzý" boiynsha tirkelgen bolatyn. 21 qazanda qylmystyq is QR Qylmystyq kodeksiniń 99 - babynyń 2-bóligi 1-tarmaǵyna "Eki jáne odan da kóp adamdy óltirý" boiynsha qaita tergeý bastaldy", - dep habarlady oblystyq politsiia departamentiniń baspasóz qyzmeti.
Sondai-aq politsiia osy fakti boiynsha Qylmystyq kodekstiń 3-bóliginiń 99-baby "Jas adamdy óltirý" boiynsha qosymsha qylmystyq isti tirkedi. Saraptamalar jasalyp, tergeý júrip jatyr. 25 jastaǵy kúdikti er adam qamaýǵa alyndy.
