Petropavlda joldyń jaiaý júrginshilerge arnalǵan bóliginde zeinetkerdi kólik qaǵyp, ol alǵan jaraqatynan oqiǵa ornynda kóz jumdy, dep habarlaidy Sputnik Qazaqstan.
Qaiǵyly oqiǵa 13 maýsym kúni saǵat 12:20 shamasynda bolǵan.
"Qyzyljar aýdanynyń 39 jastaǵy turǵyny Nissan markaly kóligin basqaryp kele jatyp, Qojabergen jyraý kóshesinde joldyń jaiaý júrginshiler jolaǵynan ótip bara jatqan áieldi qaǵyp ketti. Jol apaty saldarynan 1957 jyly týǵan jábirlenýshi jedel járdem brigadasy kelgenge deiin oqiǵa ornynda qaitys boldy", - dep habarlady oblystyq politsiia departamentiniń baspasóz qyzmeti.
Atalǵan fakti Qylmystyq kodekstiń 345-babynyń 3-bóligi – "Kólik quraldaryn basqaratyn adamdardyń jol júrý nemese kólik quraldaryn paidalaný erejelerin buzýy abaisyzda adam ólimine ákep soǵýy" boiynsha sotqa deiingi tergeýdiń biryńǵai tizilimine engizildi. Júrgizýshi bes jylǵa deiin bas bostandyǵynan aiyrylýy múmkin.
Sotqa deiingi tergeý aiasynda politseiler jol apatynyń mán-jaiy men sebepterin anyqtap jatyr.
Birqatar qajetti saraptama taǵaiyndaldy. Qabyldanǵan sharalardyń qorytyndysy boiynsha aqyrǵy protsestik sheshim qabyldanady.
