پەتروپاۆلدا جولدىڭ جاياۋ جٷرگٸنشٸلەرگە ارنالعان بٶلٸگٸندە زەينەتكەردٸ كٶلٸك قاعىپ, ول العان جاراقاتىنان وقيعا ورنىندا كٶز جۇمدى, دەپ حابارلايدى Sputnik قازاقستان.
قايعىلى وقيعا 13 ماۋسىم كٷنٸ ساعات 12:20 شاماسىندا بولعان.
"قىزىلجار اۋدانىنىڭ 39 جاستاعى تۇرعىنى Nissan ماركالى كٶلٸگٸن باسقارىپ كەلە جاتىپ, قوجابەرگەن جىراۋ كٶشەسٸندە جولدىڭ جاياۋ جٷرگٸنشٸلەر جولاعىنان ٶتٸپ بارا جاتقان ەيەلدٸ قاعىپ كەتتٸ. جول اپاتى سالدارىنان 1957 جىلى تۋعان جەبٸرلەنۋشٸ جەدەل جەردەم بريگاداسى كەلگەنگە دەيٸن وقيعا ورنىندا قايتىس بولدى", - دەپ حابارلادى وبلىستىق پوليتسييا دەپارتامەنتٸنٸڭ باسپاسٶز قىزمەتٸ.
اتالعان فاكتٸ قىلمىستىق كودەكستٸڭ 345-بابىنىڭ 3-بٶلٸگٸ – "كٶلٸك قۇرالدارىن باسقاراتىن ادامداردىڭ جول جٷرۋ نەمەسە كٶلٸك قۇرالدارىن پايدالانۋ ەرەجەلەرٸن بۇزۋى ابايسىزدا ادام ٶلٸمٸنە ەكەپ سوعۋى" بويىنشا سوتقا دەيٸنگٸ تەرگەۋدٸڭ بٸرىڭعاي تٸزٸلٸمٸنە ەنگٸزٸلدٸ. جٷرگٸزۋشٸ بەس جىلعا دەيٸن باس بوستاندىعىنان ايىرىلۋى مٷمكٸن.
سوتقا دەيٸنگٸ تەرگەۋ اياسىندا پوليتسەيلەر جول اپاتىنىڭ مەن-جايى مەن سەبەپتەرٸن انىقتاپ جاتىر.
بٸرقاتار قاجەتتٸ ساراپتاما تاعايىندالدى. قابىلدانعان شارالاردىڭ قورىتىندىسى بويىنشا اقىرعى پروتسەستٸك شەشٸم قابىلدانادى.
