Petropavlda eki kún buryn 19 jastaǵy boijetkenge úi podezinde shabýyl jasaǵan er adam búgin ustaldy, dep habarlaidy "Ult aqparat".
SQO politsiia departamenti baspasóz qyzmetiniń málimetinshe, 7 sáýir saǵat 18.15 shamasynda Petropavl qalalyq politsiia basqarmasynyń qyzmetkerleri Jambyl kóshesindegi úilerdiń biriniń podezinde boijetkenge shabýyl jasady degen kúdikpen er adamdy ustady. Ol oblys ortalyǵynyń 49 jastaǵy turǵyny bolyp shyqty. Buǵan deiin birneshe ret sottalǵan eken.
«Qazirgi ýaqytta ustalǵan er adam Petropavl qalalyq politsiia basqarmasyna jetkizildi. Tergeý amaldary júrgizilip jatyr. Bul is tolyq, jan-jaqty, barlyq jaǵdailar eskerile otyra obektivti tergeledi, nátijesi boiynsha protsessýaldyq sheshim qabyldanady», - delingen habarlamada.
Esterińizge salaiyq, 5 aqpan kúni saǵat 20.00 shamasynda Petropavldaǵy kóp qabatty úilerdiń biriniń podezinde 19 jastaǵy boijetkenge belgisiz er adam shabýyl jasaǵan edi. Ol qyzdyń tamaǵyna pyshaq taqap, zorlamaq bolǵan. Aiǵaidy estigen kórshi boijetkendi qutqardy, al er adam qashyp ketken edi.
