پەتروپاۆلدا ەكٸ كٷن بۇرىن 19 جاستاعى بويجەتكەنگە ٷي پودەزٸندە شابۋىل جاساعان ەر ادام بٷگٸن ۇستالدى, دەپ حابارلايدى "ۇلت اقپارات".
سقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, 7 سەۋٸر ساعات 18.15 شاماسىندا پەتروپاۆل قالالىق پوليتسييا باسقارماسىنىڭ قىزمەتكەرلەرٸ جامبىل كٶشەسٸندەگٸ ٷيلەردٸڭ بٸرٸنٸڭ پودەزٸندە بويجەتكەنگە شابۋىل جاسادى دەگەن كٷدٸكپەن ەر ادامدى ۇستادى. ول وبلىس ورتالىعىنىڭ 49 جاستاعى تۇرعىنى بولىپ شىقتى. بۇعان دەيٸن بٸرنەشە رەت سوتتالعان ەكەن.
«قازٸرگٸ ۋاقىتتا ۇستالعان ەر ادام پەتروپاۆل قالالىق پوليتسييا باسقارماسىنا جەتكٸزٸلدٸ. تەرگەۋ امالدارى جٷرگٸزٸلٸپ جاتىر. بۇل ٸس تولىق, جان-جاقتى, بارلىق جاعدايلار ەسكەرٸلە وتىرا وبەكتيۆتٸ تەرگەلەدٸ, نەتيجەسٸ بويىنشا پروتسەسسۋالدىق شەشٸم قابىلدانادى», - دەلٸنگەن حابارلامادا.
ەستەرٸڭٸزگە سالايىق, 5 اقپان كٷنٸ ساعات 20.00 شاماسىندا پەتروپاۆلداعى كٶپ قاباتتى ٷيلەردٸڭ بٸرٸنٸڭ پودەزٸندە 19 جاستاعى بويجەتكەنگە بەلگٸسٸز ەر ادام شابۋىل جاساعان ەدٸ. ول قىزدىڭ تاماعىنا پىشاق تاقاپ, زورلاماق بولعان. ايعايدى ەستٸگەن كٶرشٸ بويجەتكەندٸ قۇتقاردى, ال ەر ادام قاشىپ كەتكەن ەدٸ.
