Teplovoz júrgizýshisi temirjoldy basyp ótpek bolǵan kóliktiń saldarynan shuǵyl toqtaýǵa májbúr bolǵan, dep habarlaidy "Ult aqparat" Petropavlovsk.news aqparattyq agenttigine silteme jasap.
Qalalyq politsiia basqarmasy Benzostroi aýdanyndaǵy temirjol ótkelinde bolǵan oqiǵanyń egjei-tegjeiin aityp berdi. Belgili bolǵandai, «VAZ 2110» markaly avtomobildiń 41 jastaǵy júrgizýshisi «STOP» jol belgisiniń talaptaryn elemei, № 1216 teplovozynyń ótýin bógep, temirjolǵa shyǵyp ketken. Osydan keiin teplovoz júrgizýshisi tez arada tejegishti basýǵa májbúr bolǵan.
«Jol-kólik oqiǵasy saldarynan jedel járdem mamandary jeńil kólik júrgizýshisin Petropavl meditsinalyq mekemesine jetkizdi. Alǵashqy shuǵyl kómek kórsetilgennen keiin meditsina qyzmetkerleri er adamdy úiine jiberdi», – dedi politsiia.
Sarapshylar Ońtústik Oral temirjolyna keltirilgen materialdyq zalaldy anyqtaǵannan keiin júrgizýshige qatysty QR ÁQBtK-niń 610-babynyń 1-bóligi «Kólik quraldary júrgizýshileriniń jol júrisi qaǵidalaryn adamdardyń densaýlyǵyna ziian keltirýge, kólik quraldarynyń nemese ózge de múliktiń búlinýine alyp kelgen zań buzýshylyǵy» boiynsha ákimshilik hattama toltyrady.
Protsessýaldyq sheshim qabyldaý úshin barlyq materialdar Petropavl qalasynyń politsiia basqarmasynyń ákimshilik politsiia bólimine tapsyrylady.
