تەپلوۆوز جٷرگٸزۋشٸسٸ تەمٸرجولدى باسىپ ٶتپەك بولعان كٶلٸكتٸڭ سالدارىنان شۇعىل توقتاۋعا مەجبٷر بولعان, دەپ حابارلايدى "ۇلت اقپارات" پەتروپاۆلوۆسك.news اقپاراتتىق اگەنتتٸگٸنە سٸلتەمە جاساپ.
قالالىق پوليتسييا باسقارماسى بەنزوستروي اۋدانىنداعى تەمٸرجول ٶتكەلٸندە بولعان وقيعانىڭ ەگجەي-تەگجەيٸن ايتىپ بەردٸ. بەلگٸلٸ بولعانداي, «ۆاز 2110» ماركالى اۆتوموبيلدٸڭ 41 جاستاعى جٷرگٸزۋشٸسٸ «ستوپ» جول بەلگٸسٸنٸڭ تالاپتارىن ەلەمەي, № 1216 تەپلوۆوزىنىڭ ٶتۋٸن بٶگەپ, تەمٸرجولعا شىعىپ كەتكەن. وسىدان كەيٸن تەپلوۆوز جٷرگٸزۋشٸسٸ تەز ارادا تەجەگٸشتٸ باسۋعا مەجبٷر بولعان.
«جول-كٶلٸك وقيعاسى سالدارىنان جەدەل جەردەم ماماندارى جەڭٸل كٶلٸك جٷرگٸزۋشٸسٸن پەتروپاۆل مەديتسينالىق مەكەمەسٸنە جەتكٸزدٸ. العاشقى شۇعىل كٶمەك كٶرسەتٸلگەننەن كەيٸن مەديتسينا قىزمەتكەرلەرٸ ەر ادامدى ٷيٸنە جٸبەردٸ», – دەدٸ پوليتسييا.
ساراپشىلار وڭتٷستٸك ورال تەمٸرجولىنا كەلتٸرٸلگەن ماتەريالدىق زالالدى انىقتاعاننان كەيٸن جٷرگٸزۋشٸگە قاتىستى قر ەقبتك-نٸڭ 610-بابىنىڭ 1-بٶلٸگٸ «كٶلٸك قۇرالدارى جٷرگٸزۋشٸلەرٸنٸڭ جول جٷرٸسٸ قاعيدالارىن ادامداردىڭ دەنساۋلىعىنا زييان كەلتٸرۋگە, كٶلٸك قۇرالدارىنىڭ نەمەسە ٶزگە دە مٷلٸكتٸڭ بٷلٸنۋٸنە الىپ كەلگەن زاڭ بۇزۋشىلىعى» بويىنشا ەكٸمشٸلٸك حاتتاما تولتىرادى.
پروتسەسسۋالدىق شەشٸم قابىلداۋ ٷشٸن بارلىق ماتەريالدار پەتروپاۆل قالاسىنىڭ پوليتسييا باسقارماسىنىڭ ەكٸمشٸلٸك پوليتسييا بٶلٸمٸنە تاپسىرىلادى.
