Petropavldaǵy qazaq mektep-gimnaziiasy budan bylai Abai esimimen atalatyn boldy, dep habarlaidy "Ult aqparat".
Petropavldaǵy 19-yqsham aýdanda ornalasqan qazaq mektep-gimnaziiasyna Abai esimi berildi. Asqar Mamin keshe Úkimettiń qaýlysyna qol qoidy.
Abai atyndaǵy qazaq mektep-gimnaziiasy 2007 jyly boi kóterdi. 1100 balaǵa shaqtalǵan bilim ordasynda búginde 1046 oqýshy oqidy. Daiarlyq synyptary, 50 balaǵa shaqtalǵan shaǵyn ortalyq jumys isteidi. Mektepke Abai esiminiń berilýimen endi oqý baǵdarlamasyna biraz ózgeris engizilmek.
«Biz bul habardy bir jylǵa tarta kúttik. Pandemiiaǵa bailanysty sozylyp ketti. Respýblikadaǵy Abai mektepteriniń jelisine kirip otyrǵan 17-shi mekteppiz. Abai esiminiń berilýi bizge zor jaýapkershilik artady. Árine, qazaq tili men ádebietin tereńdete oqytatyn bolamyz. Qazir bul pánderge aptasyna 3 saǵat qana berilse, ony jańa oqý jylynda eki ese arttyramyz», - deidi Abai atyndaǵy qazaq mektep-gimnaziiasynyń direktory Bulbul Ahmadiqyzy.
Biyl sáýir aiynda bilim ordasynda Abai ortalyǵy ashyldy. Ol 6 bólimnen turady. Munda qazaqtyń mádenietin pash etetin mýzei ashylǵan. Ortalyqta mamandar daryndy balalarmen jumys isteidi. Sondai-aq, QR-kody bar arnaiy stend arqyly elimizdegi Abai murajailarymen tanysýǵa bolady.
SQO Bilim basqarmasynyń málimetinshe, biyl óńirde taǵy eki mekteptiń ataýy ózgerdi. Býlaev qalasyndaǵy №4 orta mektepke Maǵjan Jumabaevtyń esimi berilse, Jambyl aýdany Presnovka eldimekenindegi jalpy bilim beretin orta mektep endi Qojabergen jyraý esimimen atalady.
