Petropavlda 32 jastaǵy bosanǵan áiel koronavirýstan kóz jumdy. Onyń ókpesiniń kóp bóligi qabynǵany anyqtaldy, dep habarlady oblystyq densaýlyq saqtaý basqarmasynyń baspasóz qyzmeti.
Áiel bosanǵannan keiin on kúnnen soń kóz jumǵan. Densaýlyq jaǵdaiyna bailanysty dárigerler ony erte bosandyrýǵa májbúr bolǵan. Áieldiń ólimine qatysty tiisti saraptama taǵaiyndaldy.
"Onyń kóz jumýyna júktiliktiń 31-aptasynda koronavirýstyq infektsiiadan týyndaǵan pnevmoniiaǵa shaldyǵýy sebep boldy. Ókpesiniń kóp bóligi qabynǵandyqtan kórsetilgen meditsinalyq kómekke qaramastan bosanǵan keiin onyń ómirin saqtap qalý múmkin bolmady", - dedi basqarmadaǵylar.
Dárigerler áieldiń vaktsina almaǵynyn atap ótti.
Balanyń densaýlyǵy jaqsy, odan koronavirýs anyqtalmady. Sábi aýrýhanada, dárigerlerdiń baqylaýyna alyndy.
Jyl basynan beri oblysta 646 júkti áiel indet juqtyrǵan. Olardyń 203-inde syrqat aǵymy aýyr ótti, 58-i jasandy jeldetý apparatyna qosyldy. Al 38 áiel meditsinalyq kórsetilim boiynsha ýaqytynan erte bosandyryldy.
