Petropavlda bes qabatty turǵyn úi órtenip, 25 adamdy qutqarýǵa jáne 50 adamdy qaýipsiz jerge shyǵarýǵa týra keldi, dep habarlaidy "Ult aqparat".
SQO Tótenshe jaǵdailar departamenti baspasóz qyzmetiniń málimetinshe, órt sóndirý qyzmetine saǵat 11.04-te Petropavldaǵy N.Nazarbaev kóshesi, 225 mekenjaiyndaǵy bes qabatty úide órt shyqqandyǵy jóninde habar túsedi.
Oqiǵa ornyna jetken mamandar jalynnyń birinshi qabattaǵy páterden shyqqanyn anyqtaǵan. Úi kók tútinge oranyp úlgeripti.
Órt sóndirýshiler birden turǵyndardy qutqarýǵa kiristi. 25 adamdy avtosatynyń kómegimen shyǵarǵan mamandar, taǵy 50 adamdy baspaldaqpen qaýipsiz jerge evakýatsiialady.
Órtti sóndirýge 8 arnaiy tehnika men jeke quramnan 30 adam jumyldyryldy. Nátijesinde saǵat 11.57-de órt tolyq sóndirildi.
Qaza tapqandar men zardap shekkender joq, alaida qutqarylǵan birneshe turǵynǵa TJD psihologtarynyń kómegi qajet boldy.
