Petropavlda belgisiz er adam kópqabatty úidiń mańynda it soiǵan. Qazir politsiia er adamnyń kim ekenin anyqtap jatyr, dep habarlaidy "Ult aqparat".
Búgin áleýmettik jelige Petropavldaǵy N.Nazarbaev kóshesi, 351 úidegi turǵyndardyń biri jantúrshigerlik beinejazbany júktedi. Avtordyń aitýynsha, er adam kópqabatty úidiń terezeleriniń aldynda itti soiyp, múshelegen. Ol beinejazbaǵa tiisti organdardyń nazaryn aýdaryp, shara qoldanýyn surady.
Petropavl qalalyq politsiia basqarmasy beinejazbaǵa bailanysty jaýap berdi.
«Eger sizder qandai da bir quqyq buzýshylyqtyń kýágeri bolsańyz, ol jaiynda «102» jedel arnasyna habarlaýyńyz qajet. Jariialanǵan beinejazba jáne foto boiynsha aitarymyz, bul derek Petropavl qalalyq politsiia basqarmasynda tirkeldi. Qazirgi ýaqytta er adamnyń jáne basqa da qatysýshylardyń jeke bastary anyqtalyp jatyr», - delingen jaýapta.
