Petropavlda belgisiz er adam 19 jastaǵy boijetkenge úidiń podezinde shabýyl jasap, pyshaqpen qorqytyp, zorlamaq boldy, dep habarlaidy "Ult aqparat".
Petropavl qalalyq politsiia basqarmasynyń málimetinshe, 5 sáýir kúni politsiiaǵa oblys ortalyǵynyń 19 jastaǵy turǵyny aryzdandy. Boijetkenniń aitýynsha, oǵan saǵat 20.00 shamasynda úiiniń podezinde belgisiz er adam pyshaqpen qorqytyp, shabýyldaǵan.
«Qyz alysyp, kómekke shaqyrǵan. Onyń daýsyna kórshisi shyǵyp, boijetkendi qutqaryp qaldy. Al er adam oqiǵa ornynan qashyp ketti. Osy derekke qatysty sotqa deiingi tergeý bastaldy. Qazirgi ýaqytta kúdiktini anyqtap, ustaý maqsatynda tiisti jedel-tergeý sharalary qolǵa alyndy», - delingen habarlamada.
Bul jaiynda Petropavl turǵyndaryn eskertken jazba messendjerlerde tarady. Kúdiktiniń beinesi beinekameraǵa túsip qalǵan eken.
«Meniń qurbymnyń týysy, birinshi kýrs stýdenti. Alaida 7-8 synyp oqýshysy siiaqty kórinedi, jasóspirim qyzdar siiaqty kiinedi. Er adam onyń podezge kirýin kútip, páter esigin kiltpen asha bastaǵanda shabýyldaǵan. Tamaǵyna pyshaq taqap, sheshindirmek bolǵan. Qyz qarsylasyp, aiǵailap kómekke shaqyrǵan. Kórshisi shyǵyp, qutqaryp qaldy.
Osy jazbany taratyńyzdar, balalaryn baiqasyn, podezde ańdyp turyp shabýyldaidy», - delingen jazbada.
