پەتروپاۆلدا بەلگٸسٸز ەر ادام 19 جاستاعى بويجەتكەنگە ٷيدٸڭ پودەزٸندە شابۋىل جاساپ, پىشاقپەن قورقىتىپ, زورلاماق بولدى, دەپ حابارلايدى "ۇلت اقپارات".
پەتروپاۆل قالالىق پوليتسييا باسقارماسىنىڭ مەلٸمەتٸنشە, 5 سەۋٸر كٷنٸ پوليتسيياعا وبلىس ورتالىعىنىڭ 19 جاستاعى تۇرعىنى ارىزداندى. بويجەتكەننٸڭ ايتۋىنشا, وعان ساعات 20.00 شاماسىندا ٷيٸنٸڭ پودەزٸندە بەلگٸسٸز ەر ادام پىشاقپەن قورقىتىپ, شابۋىلداعان.
«قىز الىسىپ, كٶمەككە شاقىرعان. ونىڭ داۋسىنا كٶرشٸسٸ شىعىپ, بويجەتكەندٸ قۇتقارىپ قالدى. ال ەر ادام وقيعا ورنىنان قاشىپ كەتتٸ. وسى دەرەككە قاتىستى سوتقا دەيٸنگٸ تەرگەۋ باستالدى. قازٸرگٸ ۋاقىتتا كٷدٸكتٸنٸ انىقتاپ, ۇستاۋ ماقساتىندا تيٸستٸ جەدەل-تەرگەۋ شارالارى قولعا الىندى», - دەلٸنگەن حابارلامادا.
بۇل جايىندا پەتروپاۆل تۇرعىندارىن ەسكەرتكەن جازبا مەسسەندجەرلەردە تارادى. كٷدٸكتٸنٸڭ بەينەسٸ بەينەكامەراعا تٷسٸپ قالعان ەكەن.
«مەنٸڭ قۇربىمنىڭ تۋىسى, بٸرٸنشٸ كۋرس ستۋدەنتٸ. الايدا 7-8 سىنىپ وقۋشىسى سيياقتى كٶرٸنەدٸ, جاسٶسپٸرٸم قىزدار سيياقتى كيٸنەدٸ. ەر ادام ونىڭ پودەزگە كٸرۋٸن كٷتٸپ, پەتەر ەسٸگٸن كٸلتپەن اشا باستاعاندا شابۋىلداعان. تاماعىنا پىشاق تاقاپ, شەشٸندٸرمەك بولعان. قىز قارسىلاسىپ, ايعايلاپ كٶمەككە شاقىرعان. كٶرشٸسٸ شىعىپ, قۇتقارىپ قالدى.
وسى جازبانى تاراتىڭىزدار, بالالارىن بايقاسىن, پودەزدە اڭدىپ تۇرىپ شابۋىلدايدى», - دەلٸنگەن جازبادا.
