Aqparat jáne qoǵamdyq damý ministri Dáýren Abaev Petropavl, Pavlodar jáne Semeidiń ataýyn ózgertýge qatysty áleýmettik jelilerde taraǵan usynystarǵa óz oiyn bildirdi, dep habarlaidy QazAqparat tilshisi.
«Astana ataýynyń ózgertilýi - bizdiń halyqtyń tarihy men taǵdyrynyń aitýly kezeńinde bolǵanyn aita ketkim keledi. Sipaty men turpaty ózgerip, táýelsizdik jyldarynda qulpyra boi kótergen eldiń basty qalasynyń atyn ózgertý logikasy tolyǵymen túsinikti. Ol týraly birshama kóp aitqan da bolatynbyz. Al Petropavl, Pavlodar men Semei qalalary týraly aitar bolsaq, bul rette, máselege jeke-jeke kirisý kerek. Onomastika salasyndaǵy mamandar da óz sózin aitýy tiis. Jalpy, «úidiń irgesi berik bolsyn deseń - qabyrǵasyn asyqpai qala» degen sóz bar. Osy qaǵidany ustanaiyqshy», - dedi Dáýren Abaev.
Aita ketsek, budan buryn áleýmettik jeliler men birqatar BAQ kózderinde Petropavl qalasynyń ataýyn Abylai han, Pavlodar oblysynyń ataýyn Kenesary han, Semei qalasyn Álihan Bókeihan etip ózgertý usynystary taraǵan bolatyn.
