Petropavl áýejaiy eki ret satylymǵa shyǵarylyp, ótpedi. Jergilikti bilik mańyzdy nysandy senimgerlik basqarýǵa berip, shyǵyndy kásiporynnyń jaǵdaiyn túzemek, dep habarlaidy QazAqparat.
Soltústik Qazaqstan oblysynyń ákimi Qumar Aqsaqalovtyń aitýynsha, áýejai múlki jaqyn mańda taǵy da saýdaǵa túsedi.
«Birinshi saýdada ótpegendikten ekinshi ret baǵasyn eki ese arzandatýǵa májbúr boldyq. Osy joly, úshinshi saýdada alǵashqy qunyn qaitaramyz, iaǵni 5,6 mlrd teńgege saýdalanbaq. Qyzyǵýshylar tabylýy múmkin», - deidi óńir basshysy.
Qumar Aqsaqalovtyń aitýynsha, jyl saiyn áýejai jumys isteýi úshin biýdjetten 200 mln teńge jumsalady.
«Qazir áýejai jumys istep tur. Biraq aviatsiialyq qaýipsizdik qyzmeti bizge ondaǵy olqylyqtardyń ornyn toltyryńdar dep únemi aitady. Máselen munai qoimasy kerek. Sonda úlken ushaqtar ushatyn bolady, bul tasymaldy arttyrady. Biraq bul máseleni sheshý úshin úlken investitsiia qajet. Kóptegen mamandardy tartý qajet. Ókinishke orai, biz ázirge biýdjet qarajatyna bul shyǵyndardy engize almaimyz. Investorlar kelip, biznesti júrgizýi kerek. Ol úshin halyqaralyq áýe kompaniialarymen bailanys ornatyp, kelissózder júrgizý qajet. Ákimdik bul sharýamen ainalysa almaidy», - dedi SQO ákimi.
Buǵan deiin Petropavl áýejaiynyń satylymǵa shyǵarylǵanyn aitqan edik.
Saýda 12 mamyr kúni ótip, áýejai satylmady.
