«Keshegi tarihi sheshimmen barsha Qazaqstan halqyn quttyqtaimyn! Bul óz kezeginde elimiz úshin úlken qýanysh. Rasynda da, bul baǵyttaǵy qadamdar ońtústik óńirimizdiń damýyna erekshe áser etedi dep senemin. Eger de Shymkent qalasyna toqtalatyn bolsaq, turǵyndar sany millionǵa jetken megapolister óz múmkindikterine súienip, ary qarai damýǵa qaýqarly bolady. Oǵan eshqandai kúmán joq. Mundai shaharlar ákimshilik ári saiasi qoldaýsyz da ózin-ózi qamtamasyz ete alady», - dep toqtaldy Azat Perýashev.
Osy oraida depýtat Elbasynyń 19 maýsymda qol qoiǵan Jarlyǵy óte júieli ári qajetti sheshim ekenin atap ótti.
«Túrkistan bizdiń rýhani ortalyǵymyz dep aitýǵa bolady. Bul qalaǵa saiasi maǵyna berip, ony jańa dárejege kóterý arqyly osy óńirdiń turǵyndaryna úlken tabys bolady dep bilemiz. Munymen qosa, Túrkistan oblysynyń paida bolýy dúniejúzindegi túrki halyqtary arasynda Qazaqstannyń rólin, ornyn jańa beleske shyǵaratynyna senem», - dep túidi A. Perýashev.
Budan buryn habarlanǵandai, Elbasy Nursultan Nazarbaev Túrkistan oblysynyń paida bolýyna bailanysty pikir bildirdi.
Sonymen qatar, Prezident jańa oblys ortalyǵynyń qurylýyna bailanysty birqatar tapsyrmalar júktedi.
