Kóp jaǵdaida Prezident máseleni qatań qoiyp, jaǵdaidy salaly qurylymdarǵa tereńirek zertteýdi tapsyrady. Sondai-aq, Qasym-Jomart Toqaevtyń barlyq jaýapkershilikti ózine alyp, erikti sheshimder qabyldaityn mysaldary bar. Bul týraly Ortalyq kommýnikatsiialar qyzmetindegi brifing barysynda «Aq jol» partiiasynyń Tóraǵasy, parlamenttik fraktsiia jetekshisi Azat Perýashev málimdedi, dep habarlaidy ortcom.kz.
«Áleýmettik saladaǵy sheshimder naqtylyǵymen erekshelenedi: kelesi jyly jinaqtaryn turǵyn úi men emdelýge jumsai alatyn BJZQ salymshylarynyń sany ataldy; turǵyn úi baǵdarlamalaryn jaqsartý, pedagogtar men dárigerlerdiń jalaqysyn arttyrý, ǵylymi granttar bólý, infektsiialyq aýrýhanalar men FAP salý parametrleri kórsetildi.
Ekonomikalyq bastamalar kásipkerler úshin erekshe mańyzdy. Básekelestikti damytý jáne qorǵaý agenttigin qurý týraly sheshim, sózsiz, reforma. Adal básekelestikti qamtamasyz etý bul naryqtyq ekonomikanyń bazalyq qaǵidattaryna qatysty másele. 2019 jylǵy 4 jeltoqsanda «Aq jol» fraktsiiasynyń suraýy osy saladaǵy apatty jaǵdaiǵa arnaldy. Biz tipti qalyptasqan júieni endi naryqtyq emes, memlekettik-monopolistik dep atadyq jáne úkimetten básekelestik printsipterdi qorǵaýdy suradyq. Úkimet «bári baqylaýda» stilinde jaýap berdi.
Biraq Prezident depýtattarǵa jaqyn boldy. Úkimetten táýelsiz agenttikti qurý naryqty qaitarý jolyndaǵy qadam», - dep áriptesteriniń pikirin jetkizdi Perýashev.
Ol sondai-aq 13 tamyzda «Aq jol» partiiasy Úkimetke kredittik kanikýl engizý jáne tómendetilgen mólsherlemeler boiynsha barlyq burynǵy kreditterdi qaita qarjylandyrý talabymen kezekti ótinish jiberýge májbúr bolǵanyn eske saldy. Sondyqtan memleket basshysynyń «ekonomikanyń zardap shekken sektorlarynda ShOB-tyń barlyq qoldanystaǵy kreditteri boiynsha paiyzdyq mólsherlemelerdi jyldyq 6% - ǵa deiin memlekettik sýbsidiialaýdy qamtamasyz etý» sheshimin partiialyqtar bizneske baǵa jetpes kómek dep sanaidy.
