Almaty oblysy Panfilov aýdanynyń Penjim aýylynda oqýshylardyń jappai tóbelesinen zardap shekken bala jansaqtaý bóliminen jalpy palataǵa aýystyryldy, dep habarlaidy QazAqparat.
«2005 jyly týǵan naýqas jansaqtaý bóliminen travmatologiia bólimshesine aýystyryldy. Al 1967 jyly týǵan naýqas hirýrgiia bólimshesinde em qabyldap jatyr. Qazirgi tańda eki naýqastyń da jaǵdaiy jaqsaryp keledi. Dárigerler olardyń jaǵdaiyn ortasha aýyrlyqta dep baǵalap otyr. Patsientterge barlyq qajetti meditsinalyq kómek kórsetilýde», - dedi Almaty oblystyq Densaýlyq saqtaý basqarmasy baspasóz qyzmetiniń resmi ókili Láilim Áýbákirova.
Eske salsaq, 27 qazan kúni Panfilov aýdanynyń Penjim aýylynda oqýshylar arasynda jappai tóbeles boldy. Buzaqylar birneshe úi men kóliktiń terezelerin syndyrdy.
Atalǵan fakti boiynsha QR QK 293-babynyń 2-bóligi boiynsha qylmystyq is qozǵaldy.
Keiin Panfilov aýdanynyń ákimi Penjim aýylynyń turǵyndarymen kezdesti.
Aýyldaǵy úilerdiń materialdyq shyǵyndary eseptelip jatyr. Qazirdiń ózinde 30-dan astam úidiń terezeleri tolyqtai qalpyna keltirilgen.
