الماتى وبلىسى پانفيلوۆ اۋدانىنىڭ پەنجٸم اۋىلىندا وقۋشىلاردىڭ جاپپاي تٶبەلەسٸنەن زارداپ شەككەن بالا جانساقتاۋ بٶلٸمٸنەن جالپى پالاتاعا اۋىستىرىلدى, دەپ حابارلايدى قازاقپارات.
«2005 جىلى تۋعان ناۋقاس جانساقتاۋ بٶلٸمٸنەن تراۆماتولوگييا بٶلٸمشەسٸنە اۋىستىرىلدى. ال 1967 جىلى تۋعان ناۋقاس حيرۋرگييا بٶلٸمشەسٸندە ەم قابىلداپ جاتىر. قازٸرگٸ تاڭدا ەكٸ ناۋقاستىڭ دا جاعدايى جاقسارىپ كەلەدٸ. دەرٸگەرلەر ولاردىڭ جاعدايىن ورتاشا اۋىرلىقتا دەپ باعالاپ وتىر. پاتسيەنتتەرگە بارلىق قاجەتتٸ مەديتسينالىق كٶمەك كٶرسەتٸلۋدە», - دەدٸ الماتى وبلىستىق دەنساۋلىق ساقتاۋ باسقارماسى باسپاسٶز قىزمەتٸنٸڭ رەسمي ٶكٸلٸ لەيلٸم ەۋبەكٸروۆا.
ەسكە سالساق, 27 قازان كٷنٸ پانفيلوۆ اۋدانىنىڭ پەنجٸم اۋىلىندا وقۋشىلار اراسىندا جاپپاي تٶبەلەس بولدى. بۇزاقىلار بٸرنەشە ٷي مەن كٶلٸكتٸڭ تەرەزەلەرٸن سىندىردى.
اتالعان فاكتٸ بويىنشا قر قك 293-بابىنىڭ 2-بٶلٸگٸ بويىنشا قىلمىستىق ٸس قوزعالدى.
كەيٸن پانفيلوۆ اۋدانىنىڭ ەكٸمٸ پەنجٸم اۋىلىنىڭ تۇرعىندارىمەن كەزدەستٸ.
اۋىلداعى ٷيلەردٸڭ ماتەريالدىق شىعىندارى ەسەپتەلٸپ جاتىر. قازٸردٸڭ ٶزٸندە 30-دان استام ٷيدٸڭ تەرەزەلەرٸ تولىقتاي قالپىنا كەلتٸرٸلگەن.
