Almaty oblysynyń Panfilov aýdanyndaǵy Penjim aýylynda bolǵan oqiǵadan keiin aýyldaǵy úilerdiń materialdyq shyǵyndary eseptelip jatyr, dep habarlaidy QazAqparat Panfilov aýdany ákiminiń baspasóz qyzmetine silteme jasap.
Qazirdiń ózinde 30-dan astam úidiń terezeleri tolyqtai qalpyna keltirilgen. Barlyq shyǵyndy Serik Aqsýbaev, Zakirjan Kýziev syndy belgili kásipkerler «ótep beremiz» dep otyr. Sonymen qosa terezeleri synǵan kólikter de qalpyna keltirilip jatyr.
«Tizim boiynsha barlyq úidiń terezeleri qalpyna keltirilýde. Osy baǵytta jigitter jumys júrgizýde. Bastysy el aman, tatýlyq, birlik bolsyn», - deidi kásipkerler.
Sondai-aq, oqiǵa bolǵan kúni kezdeisoq órtengen úige aýdan ákimdigi atalǵan kásipkerlermen birlesip kómek kórsetetin boldy. Elektr symynyń tuiyqtalýynan tolyqtai órtengen úidi qaita qalpyna keltirý júrgizilip jatyr.
Esterińizde bolsa, 27 qazan kúni Penjim aýylynda eki oqýshynyń tóbelesinen soń aýyl jastary kóshege shyǵyp, soqqyǵa jyqqan taraptan keshirim suraýyn talap etken bolatyn. Qazirgi ýaqytta politsiia «Eki jáne odan da kóp adamnyń densaýlyǵyna qasaqana ziian keltirý» jáne «Buzaqylyq» baptary boiynsha tergeý júrgizýde.
