22 qazanda AQSh drony Siriiada "Ál-Qaida" (QR Joǵarǵy Sotynyń sheshimi negizinde tyiym salynǵan uiymdar) jetekshileriniń birin óltirdi. Bul jóninde AQSh qarýly kúshteriniń ortalyq basqarmasynyń resmi ókili habarlady.
"Ál-Qaida" terroristik top jetekshileriniń biri Abdýl Hamid ál-Matardyń ólimi "terroristik uiymǵa astyrtyn áreketin jalǵastyrýyna bóget jasap, AQSh azamattary, odaqtastary men beibit azamattarǵa shabýyl jasaý múmkindigin shekteidi" dedi AQSh qarýly kúshteri ortalyq basqarmasynyń resmi ókili maior Djon Rigsbi.
Rigsbidiń aitýynsha, soqqynyń saldarynan beibit azamattar zardap shekpegen.
Dron soqqysy jaily habar Siriianyń ońtústigindegi Amerika bekinisi shabýylǵa ushyraǵannan keiin eki kúnnen soń aitylyp otyr. Rigsbi bul atalǵan shabýylǵa jaýap retinde jasalǵan soqqy ma, joq pa, ol jaǵyn ashyp aitpady.
AQSh osy aptada Siriiadaǵy Ál-Tanf Garrison áskeri bazasyna shabýyl jasalǵanyn habarlaǵan. Aqparatqa qaraǵanda, Amerika áskeri zardap shekpegen.
Rigsbidiń aitýynsha, "Ál-Qaida" AQSh pen odaqtastaryna áli de qaýip tóndirip otyr jáne Siriiany jasyryn oshaq retinde paidalanady.
Siriiadaǵy on jyldyq soǵys 2011 jyly naýryzda úkimetke qarsy narazylyqty basyp-janshýdan bastalǵan. Prezident Bashar ál-Asad Resei men Iran áskeriniń qoldaýynyń arqasynda Siriianyń basym bóligin baqylaýǵa alǵan.
