AQSh qorǵanys ministri Mark Esper Qytaidyń Úndi-Tynyq muhity aimaǵyndaǵy is-áreketi "turaqsyzdyq týdyrady" dep málimdep, Pekindi synady.
Esper AQSh qorǵanys ministri qyzmetine kiriskeli alǵash ret sheteldik saparynda júr.
4 tamyzda AQSh memlekettik hatshysy Maik Pompeomen birge Avstraliianyń Sidnei qalasynda jýrnalister aldynda sóilegen sózinde Pentagon basshysy Vashington Qytaidyń "agressiialyq qylyǵyn" qabyldamaidy dep málimdegen.
Esper men Pompeo Pekin Ońtústik Qytai teńizindegi araldardy militarizatsiialaý saiasatyn júrgizip otyr dep sanaidy. AQSh qorǵanys ministri Qytai "aimaqtaǵy kúshterdiń ara salmaǵyn basqalardyń esebinen óz paidasyna ózgertýge tyrysyp jatqanda" Vashington bei-jai qarap otyra almaidy degen.
