Qarjy ministriniń birinshi orynbasary Berik Sholpanqulov 2020-2022 jyldarǵa arnalǵan respýblikalyq biýdjet jobasyna Májilisten keiin qandai ózgerister engizilgenin aityp berdi, dep habarlaidy QazAqparat.
«Májiliste biýdjet jobasyn talqylaý barysynda birqatar túzetýler engizildi. Atalǵan túzetýler Elbasynyń jáne Memleket basshysynyń Joldaýynda bergen tapsyrmalaryn iske asyrýǵa, sondai-aq depýtattardyń usynystary boiynsha halyqtyń ómir súrý sapasyn arttyrýǵa jáne óńirlerdi damytýǵa baǵyttalyp otyr. Negizgi ózgerister pedagogtar men mádeniet qyzmetkerleriniń jalaqysyn kóterý úshin engizildi. Bul maqsatta jumsalatyn qarajat shamamen 1,1 trln teńgeden asady», - dedi Berik Sholpanqulov Senat depýtattary aldynda.
Vitse-ministrdiń aitýynsha, osy rette salyqtyq túsimderdi ulǵaityp, shyǵyndardy ońtailandyrý kózdelip otyr.
«Elbasynyń jáne Prezidenttiń tapsyrmalaryn iske asyrýǵa 2020-2022 jyldarǵa arnalǵan respýblikalyq biýdjette 8,5 trln teńge, onyń ishinde 2020 jylǵa 2,7 trln teńge kózdelgen», - dedi ol.
Aita ketsek, búgin Berik Sholpanqulov Parlament Senatynyń depýtattaryna 2020-2022 jyldarǵa arnalǵan respýblikalyq biýdjet jobasyn tanystyrǵan bolatyn.
