Pedagog mártebesin aiqyndaityn zańǵa enýi tiis baptar:
1. Bilim basqarmalaryn jergilikti ákimshilikten QR Bilim jáne ǵylym Ministrliginiń quziretine ótkizý kerek (Mektep muǵalimderin óz mindetine jatpaityn jumystardan osy qadam ǵana qutqara alady. Zań babyna qosymsha retinde, "Muǵalimdi mindetine jatpaityn jumysqa jekken sheneýnik adamdy quldyqta ustaǵan qylmyskermen" teńestirilip, qylmystyq jaýapqa tartylýy tiis" dep kórsetý kerek).
2. Mektep muǵaliminiń ortasha jalaqysy Parlament Májilisiniń depýtaty men ministrdiń jalaqysynyń kem degende 70 %-na teń bolýy tiis. (Jalaqynyń joǵary bolýy mamandyqqa degen básekeni kúsheitedi. Báseke bolǵan jerde sapa bolady)
3. Er muǵalimderdi 55 jastan, áiel muǵalimderdi 50 jastan zeinetke shyǵarý kerek.
4. Muǵalim qaýipti mamandyq bolyp qaldy. Sondyqtan, muǵalimge qol jumsaǵan adamǵa quqyq qorǵaý organy qyzmetkerine qol kótergen adamǵa taǵaiyndalatyndai jaza qoldanylýy tiis.
5. Biýdjetten mektepterdi jóndeýge bólingen qarajat BAQ betinde jariialanýy tiis (Sonda, muǵalimder men ata-analardan mektepti jóndeýge aqsha jinaý qiynǵa soǵatyn bolady).
- Zań jobasyn daiyndaýǵa qatardaǵy muǵalimder de tartylýy tiis
- Zań jobasy BAQ betterinde ashyq talqyǵa túsýi kerek.
Ómir Shynybekuly,
«Qazaqstan Respýblikasynyń Bilim berý isiniń qurmetti qyzmetkeri»
