Qarjy ministriniń birinshi orynbasary Berik Sholpanqulov Parlament Senatynyń depýtattaryna 2020-2022 jyldarǵa arnalǵan respýblikalyq biýdjet jobasyn tanystyrdy, dep habarlaidy "Ult aqparat".
«Bilim jáne ǵylym júiesin damytýǵa 2020-2022 jyldarǵa arnalǵan biýdjet jobasynda 3,7 trln teńge, onyń ishinde 2020 jylǵa 858,5 mlrd teńge bólý kózdelgen. Tuńǵysh Prezident tapsyrmasyn iske asyrý maqsatynda «Pedagog mártebesi týraly» zań jobasy ázirlengenin bilesizder. Ony iske asyrýǵa biýdjetten 2,2 trln teńge, onyń ishinde 2020 jylǵa – 389,8 mlrd teńge bólý kózdelgen. Atalǵan shyǵyndardyń kóleminde pedagogtardyń jalaqysyn kóterý týraly 2019 jylǵy 2 qyrkúiektegi Prezident joldaýynda bergen tapsyrmasyn oryndaýǵa arnalǵan shyǵystar eskerildi», - dedi Berik Sholpanqulov.
Vitse-ministrdiń aitýynsha, Prezident úsh aýysymdy mektep máselesin sheshý jáne 2022 jyldyń sońyna deiin apatty mektepterdi joiý mindetin alǵa qoiyp otyr.
«Osy maqsatqa 286,8 mlrd teńge somasynda shyǵyn shyǵady. Onyń ishinde 2020 jyly 87,1 mlrd teńge jergilikti biýdjetter bazasyna berildi», - dedi ol.
