Nur-Sultanda elimizdiń eń sulý qyzy tańdaldy. "Qazaqstan arýy 2019" titýlyn pavlodarlyq Mádina Batyq jeńip aldy, dep habarlady Sputnik Qazaqstan tilshisi.
Sulýlyq baiqaýynyń finaly búgin, 2 mamyrda Nomad City Hall kontsert zalynda ótti.
Konkýrs barysynda jeńimpazǵa qymbat baǵaly tastarmen, injýmen bezendirilgen táj kigizilip, úsh million teńge kóleminde aqshalai syilyq tapsyryldy. Sondai-aq boijetken joǵary sapaly brendtermen kóptegen jarnamalyq kelisimshart, Parijge joldama jáne elimizdiń atynan "Álem arý" baiqaýyna qatysýǵa múmkindik aldy.
Aita keteiik, konkýrs ashyq bolýy úshin ádil-qazylar bes finalisti iriktep aldy, al eldiń birinshi arýyn onlain jáne sms-daýys berý arqyly qazaqstandyqtardyń ózderi tańdady.
Sonymen bestikke Diana Ábisheva (Almaty), Sániia Mirǵalieva (Nur-Sultan), Mádina Batyq (Pavlodar), Nadejda Nedosekova (Semei), Baljanat Anas (Shymkent) endi.
Halyqtyq daýys berý qorytyndysy boiynsha Diana Ábisheva birinshi vitse-miss atandy. Ekinshi vitse-miss titýlyn Nadejda Nedosekova ielense, úshinshi vitse-miss titýly Sániia Mirǵalievaǵa buiyrdy.
