© Photo : Pixabay / Shutterbug75
Pavlodarda 24 million teńgeni jymqyrý faktisi boiynsha tergeý sharalary bastaldy, dep habarlaidy Sputnik Qazaqstan oblystyq politsiia departamentine silteme jasap.
Ishki ister organdaryna firma direktory aryzdandy. Kompaniiada esep-qisap kezinde taýarlardy ysyrap etý faktisi anyqtaldy. Shyǵyn somasy – 24 million teńge. Tergeý kezinde firmanyń saýda agenti ustaldy. Ol 2021 jyldyń qyrkúieginen jeltoqsanyna deiin senip tapsyrylǵan temeki ónimderin ysyrap etken. 26 jastaǵy jigit dúkenderden ótinish jinap, taýardy jetkizgen. Al aqshanyń bir bóligin býhgalteriiaǵa tapsyrmai, óz qaltasyna basyp otyrǵan.
"Tórt ai ishinde 24 million teńgeni jymqyrdy. Aita keteri, jas jigit - igroman, ol firmanyń barlyq aqshasyn oiynǵa salyp jiberdi", - deidi politseiler.
Qazirgi kezde Qylmystyq kodekstiń 189-baby ("Senip tapsyrylǵan bóten múlikti iemdenip alý nemese talan-tarajǵa salý") boiynsha sotqa deiingi tergeý sharalary júrgizilip jatyr. Osy qylmys úshin jeti jylǵa deiin bas bostandyǵynan aiyrý jazasy qarastyrylǵan.
Politsiia firma ielerine túgendeý men aýditti jii júrgizýge keńes berip otyr. Taýarlar men materialdardy saqtaý oryndarynda beinekamera ornatý qajet.
"Taldaý kórsetkendei kóp jaǵdaida qylmystyq quqyqbuzýshylyqtyń bul túrin býhgalter, kassir, qoima meńgerýshisi, dúken satýshysy, ekspeditor, sarapshy baǵalaýshy jasaidy. Basshylyq uzaq ýaqyt boiy qyzmetkerlerge senip aýdit júrgizbeidi", - dep atap kórsetti tártip saqshylary.
