Pavlodardaǵy koloniiadaǵy sottalǵan er adam aýzyn, kózi men qulaǵyn tigip, ashtyq jariialady. Sonymen qatar, er adam el prezidentine videoúndeý jasap, koloniiadaǵy qyzmetkerlerge shaǵymdanǵan. Bul derekti Pavlodar oblysy boiynsha QAJ departamenti tekseredi, - dep habarlaidy Tengrinews.kz.
Videodaǵy er adam ózin Týstam Sagitov dep tanystyrady. Ol qylmystyq is boiynsha ótinishterin qajet instantsiiaǵa jibermegen koloniia qyzmetkerleriniń aty-jónin aitty. Er adam ashtyq jariialap, 12 sáýirden beri tamaq ishpegen.
Sonymen qatar, videoda er adam kózin, aýzy men qulaǵyn tigip tastaǵany kórsetilgen. Bul oqiǵaǵa qatysty Pavlodar oblysy boiynsha QAJ departamenti pikir bildirdi.
"Sottalǵan adam jazasyn qaýipsizdigi barynsha joǵary AP-162 /4 mekemesinde óteidi. Buryn eki ret sottalǵan. Ol bir top adamdar aldyn ala sóz bailasyp, asa qatygezdikpen jasaǵan, dármensiz jaǵdaidaǵy adamdy urlaý jáne óltirgeni úshin 16 jylǵa bas bostandyǵynan aiyrylǵan. Jazany óteý kezeńinde úsh jaza bar. Biyl sáýirde buryn salynǵan jazamen kelispeýine bailanysty dene múshesin zaqymdaǵan", - dep jaýap berdi Tengrinews tilshisiniń saýalyna Pavlodar oblysy boiynsha QAJD.
Departament ókilderiniń málimetinshe, er adam buǵan deiin de sottyń sheshimimen kelispei, birneshe ret ózin zaqymdaǵan. Videoúndeý boiynsha qajet tekseris jumystary bastalǵan.
