Pavlodarda kólik qaqqan er adam aýrýhanada kóz jumdy. Jol-kólik oqiǵasyna qatysty tekserý júrgizilýde, dep habarlaidy "Ult aqparat" Ravlodarnews.kz saityna silteme jasap.
Oblystyq politsiia departamenti baspasóz qyzmetiniń málimetinshe, jol apaty 3 jeltoqsan kúni saǵat 04.35-te Ak. Sátbaev kóshesindegi 35-shi úige qarama-qarsy aýmaqta oryn alǵan.
- «Opel Astra» avtokóliginiń 30 jastaǵy júrgizýshisi qaýipsiz qozǵalys jyldamdyǵyn tańdamai, 1975 jyly týǵan jaiaý júrginshini qaǵyp ketti. Ol joldyń júrý bóliginde otyrǵan. JKO saldarynan jaiaý júrginshi alǵan jaraqatynan aýrýhanada kóz jumdy, - dedi baspasóz qyzmetinde.
Politsiia qyzmetkerleri avtokólik arnaiy aiyp turaǵyna qoiylǵanyn atap ótti.
