Pavlodardaǵy kásiporyn aýmaǵynda transformator órtenip jatyr, dep habarlaidy QazAqparat.
«Saǵat 18:25-te Pavlodar qalasyndaǵy Severnaia promzona, 50 kóshesi mekenjaiynda ornalasqan «Pavlodarenergo» AQ-nyń JEO-3 aýmaǵynda jeke turǵan transformator órtendi», - dep habarlady Pavlodar oblysy Tótenshe jaǵdailar departamentiniń baspasóz qyzmetinen.
Vedomstvonyń málimetinshe, oqiǵa ornynda segiz órt sóndirý kóligi, TJD-niń 26 qyzmetkeri, apattar meditsinasy ortalyǵynyń úsh qyzmetkeri men bir tehnika, bir kólikte «Semser-Órtsóndirýshi» JShS tórt qyzmetkeri jumys isteýde. Sondai-aq basqarmadan transformator maiynyń tógilmei janyp jatqanyn qosyp ótti.
«Transformator №3 týrbina tsehy ǵimaratynyń janynda ornalasqan, qazirgi ýaqytta ashyq janý joq. Tseh ishindegi elektr symdary da órtenip jatyr, olar qýattanǵan», - dedi derekkóz.
Elektr energiiasy tolyq sóngen joq, elektr qýatyn óshirý kezeń-kezeńimen júrgizilýde. Órttiń aýmaǵy anyqtalýda.
«Eshqandai oqshaýlaý jáne joiý joq. Jumys úshinshi razriad boiynsha atqarylyp keledi», - dep habarlady departamentten.
«Órt tolyq derlik sóndirildi. Qurbandar men zardap shekkender joq. Elektr qýatyn berý jaǵynan eshqandai shekteýler bolmaidy. Stantsiia bir elektr júiesinde jumys isteidi. JEO-3 elektr energiiasy azaiǵan jaǵdaida jaryq berý basqa energiia kózderinen júzege asyrylady. Sondai-aq ystyq sýmen qamtamasyz etýde de shekteý bolmaidy. Qazirgi kezde oqiǵa ornynda Tótenshe jaǵdailar departamentiniń qyzmetkerleri jumys istep jatyr», - dedi oblystyq energetika jáne turǵyn úi-kommýnaldyq sharýashylyq basqarmasynyń basshysy Erjan Salhanov.
