Pavlodarda júrgizýshileri adam qaǵyp ketken eki kólik aiyppul turaǵyna qoiyldy, dep habarlaidy QazAqparat.
«24 qarasha saǵat 07:20-da Pavlodarda Soltústik óndiris aimaǵy Injeneriia ortalyǵy aialdamasyna jaqyn jerde Volkswagen Golf avtomobili 62 jastaǵy er adamdy qaǵyp ketti. Jaiaý júrginshi belgilenbegen jerden joldy kesip ótpek bolǵan», - dedi Pavlodar oblystyq politsiia departamentinen.
Vedomstvo málimetinshe, kólik adamdy qaǵyp ketkennen keiin oqiǵa ornynan qashyp ketken. Jaiaý júrginshi túrli jaraqatpen aýrýhanaǵa jetkizildi.
«Politseiler adam qaǵyp ketken kólikti anyqtaý úshin jedel-izdestirý sharalaryn júrgizdi. «Tosqaýyl» jospary engizilip, politsiia kúdiktini ustady», - dedi PD-dan.
Osy fakti boiynsha QR QK 345-baby 1-bóligi boiynsha sotqa deiingi tergeý jumystary júrip jatyr. Kólik aiyppul turaǵyna qoiyldy.
«4 jeltoqsan saǵat 17:00-de Soltústik óndiris aimaǵy kóshesinde Audi 100 kóliginiń 45 jastaǵy júrgizýshisi 38 jáne 39 jylǵy eki jaiaý júrginshini qaǵyp ketti. Olar baǵdarshamy joq jaiaý júrginshi jolaǵynan ótip bara jatqan», - dedi quqyq qorǵaý organdary taǵy bir jaǵdai týraly.
Zardap shekkender túrli jaraqatpen aýrýhanaǵa jetkizildi. Departamenttiń málimetinshe, avtokólik mamandandyrylǵan aiyppul turaǵyna qoiyldy. Qazir tergeý júrip jatyr.
