Foto: Naǵymbek Nurmuhammedov atyndaǵy Pavlodar oblystyq kórkemsýret mýzeii
Ulttyq dombyra kúnine orai Naǵymbek Nurmuhammedov atyndaǵy Pavlodar oblystyq kórkemsýret mýzeii erekshe kórme uiymdastyrdy. Onda qazaq mýzyka mádenietiniń tulǵalary keskindelgen kartinalar qoiyldy.
- Dombyra - tek ulttyq nyshan ǵana emes, halyqtyń únin ǵasyrlardan jetkizgen kieli aspap. Kórmege keskindeme óneriniń kórnekti ókilderi - Toqbolat Toǵysbaev, Gúlfairýs Ysmaiylova, Úki Ájiev, Moldahmet Kenbaev syndy sýretshilerdiń týyndylary qoiyldy. Olardyń eńbekterinde Qurmanǵazy, Dina Nurpeiisova, Kenen Ázirbaev siiaqty qazaq mýzyka mádenietiniń ańyz tulǵalarynyń beinesi somdalǵan,-deidi kórkemsýret mýzeiiniń basshysy Aqertis Soltanbaev.
Sondai-aq kórmede qazirgi zaman sýretshileri - Nurjan Saýytbekov, Djalal Agaev, Ainabek Ospanov, Seisenhan Mahanbetov, Rýstam Hýdaiberganov jáne ózge de qylqalam sheberleriniń týyndylary usynyldy. Olar óz eńbekterinde Baianaýyldyń tabiǵaty men kieli oryndaryn, sondai-aq qazaq bolmysyna tereń filosofiialyq kózqarasty kórkem beinelegen.
Eske sala keteiik, Dombyra kúni el kóleminde 300-ge jýyq is-shara uiymdastyrylady.
