Foto: Polisia.kz
Pavlodar oblysynda qyraǵy taksi júrgizýshiniń arqasynda zeinetker áiel iri alaiaqtyqtan aman qaldy, dep habarlaidy Ult.kz.
Pavlodar qalasynyń turǵyny ózine energoortalyq qyzmetkerimiz dep tanystyrǵan alaiaqtardyń arbaýyna túse jazdady. Olar eseptegishti tekserý jáne plombalaý qajet ekenin aityp, áieldi jiberilgen siltemeler arqyly 8,5 mln teńge aýdarýǵa kóndirmek boldy. Keiin taǵy bir belgisiz tulǵa ózin bank qyzmetkeri retinde tanystyryp, qarajatty «qaýipsiz shotqa» aýdarý kerektigin aitty.
Alaida jospar júzege aspai qaldy: taksi júrgizýshi Aleksei Bortovoi áieldiń kúmándanǵanyn baiqaǵan soń ony politsiia pýnktine apardy.
«Keshki ýaqytta maǵan bir “sálemdemeni” alyp ketý jóninde tapsyrys tústi. Barsam, jóneltýshi jasy úlken ájei eken. Ne berip jatqanyn, kimge tapsyratynyn suraǵanymda naqty jaýap bere almady. Kúdiktenip, ájini taksige otyrǵyzyp, politsiiaǵa apardym», — deidi júrgizýshi.
Qarajat saqtalyp qaldy, al politsiia qazir kúdiktilerdi izdestirýde. Pavlodar oblysy politsiiasy azamattardy saq bolýǵa shaqyrady: eshbir memlekettik organ nemese bank qarajatty «saqtaýǵa» almaidy jáne kýrer jibermeidi.
