Foto: Qorǵanys ministrliginiń baspasóz qyzmeti
Pavlodarda órt sóndirýshiler janyp jatqan páterden balany qutqardy, dep habarlaidy "Ult aqparat" oblystyq tótenshe jaǵdailar departamentine silteme jasap.
18 jeltoqsan saǵat 15:28-de 101 pýltine páterdegi órt týraly habarlama túsken.
"Órt sóndirý jáne avariialyq-qutqarý jumystary qyzmetiniń qyzmetkerleri men apattar meditsinasy ortalyǵynyń qyzmetkerleri dereý oqiǵa ornyna keldi. Ermak kóshesindegi úsh qabatty úidiń úshinshi qabatynda eki bólmeli páter órtenip jatqany anyqtaldy. Aýdany 10 sharshy metr jerde úi zattary men jihazdar otqa oranǵan.
Páterde ájesimen birge qalǵan 2015 jyly týǵan bala boldy. Ájesi dúkenge azyq-túlik satyp alýǵa shyǵyp ketken. Gaz-tútinnen qorǵaý qyzmetiniń qyzmetkerleri avtosaty ornatyp, balkon arqyly balany qutqardy. Ony apattyq meditsina ortalyǵynyń qyzmetkerleri tekserdi" - delingen habarlamada.
Departament málimetinshe, bala jeńil túrde ýlanǵandyqtan aýrýhanaǵa jatqyzylmaǵan.
Al órtti sóndirýge 6 birlik tehnika men 21 qyzmetker qatysqan. Órt saǵat 15-58 tolyq joiylǵan.
