QR Aýyl sharýashylyǵy ministrliginiń jaýapty hatshysy Marat Orazaev Pavlodarda nannyń qymbattaýyna qatysty pikir bildirdi, dep habarlaidy QazAqparat tilshisi.
«Pavlodarda nan qymbattaǵany týraly fakti tańerteń anyqtaldy. Onymen ministrlik ainalysady. Biraq Qazaqstanda áleýmettik nannyń baǵasy ózgermeidi. Búginde respýblika boiynsha nannyń ortasha baǵasy – 76,1 teńge. Biraq ár óńirde ártúrli baǵa, óitkeni shikizat jetkizýge ketetin shyǵyndar esepteledi. Eń tómengi baǵa – Soltústik Qazaqstanda», - dedi ol Almatyda alǵash ret toilanǵan Nan kúni merekesinde.
Marat Orazaevtyń aitýynsha, qorda byltyrǵy ónimnen qalǵan 5,1 million tonna astyq bar.
Buǵan deiin ministrlik ókilderi áleýmettik nannyń baǵasy ózgermeidi dep sendirgen bolatyn.
Pavlodar oblysy ákiminiń baspasóz qyzmetiniń málimdeýinshe, BAQ-ta jáne áleýmettik jelilerde Pavlodarda áleýmettik nannyń baǵasy 85 teńgeden 105 teńgege kóterildi degen aqparat paida bolǵannan keiin, oblystyq kásipkerlik jáne saýda basqarmasy men qala ákimdigi arnaiy monitoring júrgizgen.
