Pavlodarlyq otbasy Ertis jaǵalaýynda júrip, adamnyń jaǵyna uqsas súiekterdi taýyp aldy, - dep habarlaidy Tengrinews.kz agenttigi.
Adamshoshyrlyq oqiǵa týraly "Poiskoviki Pavlodara "Vita" eriktiler toby Instagram-da málimdedi.
"Otbasy jaǵalaýda demalyp júrip, sýdan adam jaǵyna uqsas súiekterdi taýyp alǵan. Biraq demalýshylar sýdan shyǵarýǵa batyly barmai, bizge demalys ornyndǵy oqiǵa týraly aityp berdi", - deidi eriktiler tobynyń jetekshisi Ekaterina Kýdriavtseva.
Eskertý, júikesi nashar, júkti áielder men balalalarǵa kórýge bolmaidy.
Ertis tarmaǵyna kelgen eriktiler de tańǵalǵan.
"Jaqtyń bólikterin izdep jatqan kezde jaǵalaýda shashylyp jatqan basqa da súiekterdi taýyp aldyq. Bir saǵattan keiin Konstantin esimdi erikti tyrmany alyp, jaqtyń qalǵan bólikterin tapty. Bul adam súiekteri dep naqty aitpaimyz, biraq bul adam jaǵyna uqsap tur. Onymen mamandar ainalysatyn shyǵar. Ókinishke qarai, jaǵalaýda júrgen, balyq aýlaýǵa shyqqan nemese jai ǵana qydyryp júrgen adamdardyń jaqyny joǵalyp ketken kezderdi bilemiz", - deidi eriktiler tobynyń jetekshisi.
