پاۆلودارلىق وتباسى ەرتٸس جاعالاۋىندا جٷرٸپ, ادامنىڭ جاعىنا ۇقساس سٷيەكتەردٸ تاۋىپ الدى, - دەپ حابارلايدى Tengrinews.kz اگەنتتٸگٸ.
ادامشوشىرلىق وقيعا تۋرالى "پويسكوۆيكي پاۆلودارا "ۆيتا" ەرٸكتٸلەر توبى Instagram-دا مەلٸمدەدٸ.
"وتباسى جاعالاۋدا دەمالىپ جٷرٸپ, سۋدان ادام جاعىنا ۇقساس سٷيەكتەردٸ تاۋىپ العان. بٸراق دەمالۋشىلار سۋدان شىعارۋعا باتىلى بارماي, بٸزگە دەمالىس ورنىندعى وقيعا تۋرالى ايتىپ بەردٸ", - دەيدٸ ەرٸكتٸلەر توبىنىڭ جەتەكشٸسٸ ەكاتەرينا كۋدرياۆتسەۆا.
ەسكەرتۋ, جٷيكەسٸ ناشار, جٷكتٸ ەيەلدەر مەن بالالالارعا كٶرۋگە بولمايدى.
ەرتٸس تارماعىنا كەلگەن ەرٸكتٸلەر دە تاڭعالعان.
"جاقتىڭ بٶلٸكتەرٸن ٸزدەپ جاتقان كەزدە جاعالاۋدا شاشىلىپ جاتقان باسقا دا سٷيەكتەردٸ تاۋىپ الدىق. بٸر ساعاتتان كەيٸن كونستانتين ەسٸمدٸ ەرٸكتٸ تىرمانى الىپ, جاقتىڭ قالعان بٶلٸكتەرٸن تاپتى. بۇل ادام سٷيەكتەرٸ دەپ ناقتى ايتپايمىز, بٸراق بۇل ادام جاعىنا ۇقساپ تۇر. ونىمەن ماماندار اينالىساتىن شىعار. ٶكٸنٸشكە قاراي, جاعالاۋدا جٷرگەن, بالىق اۋلاۋعا شىققان نەمەسە جاي عانا قىدىرىپ جٷرگەن ادامداردىڭ جاقىنى جوعالىپ كەتكەن كەزدەردٸ بٸلەمٸز", - دەيدٸ ەرٸكتٸلەر توبىنىڭ جەتەكشٸسٸ.
