Foto ashyq derekkózden alyndy
QMA Pavlodar oblysy boiynsha departamenti reseilik bidaidy qazaqstandyq ónim retinde eksporttaý úshin jalǵan kelisim-sharttar boiynsha zańsyz ákelý shemasyn anyqtady, - dep habarlaidy "Ult aqparat" Qarjylyq monitoring agenttigine silteme jasap.
"Anyqtalǵan azamat 2021-2022 jyldar aralyǵynda 26 myń tonna reseilik bidaidy Ortalyq Aziia elderine (Aýǵanstan, Tájikstan, Ózbekstan) qazaqstandyq ónim dep jazylǵan jalǵan shot-faktýralar boiynsha 1 milliard teńgeden astam somaǵa eksporttaǵan. Osylaisha, jalpy somasy 460 million teńge bolatyn halyqaralyq tranzittik tarif boiynsha tasymaldaý tólemderin tóleýden jaltarǵan.
Sotqa deiingi tergeý aiaqtaldy.
QR QPK 201-babynyń talaptaryna sáikes tergeý múddesindegi ózge de málimetter jariia etilýge jatpaidy", - delingen habarlamada.
Vedomstvo málimetinshe, adal aýyl sharýashylyǵy taýaryn óndirýshilerdiń múddesin qorǵaý maqsatynda bidai ótkizýge bailanysty jalǵan shot-faktýralardy zańsyz berý faktileriniń jolyn kesý boiynsha júieli jumystar júrgizilip jatyr. Tek sońǵy bir jarym jylda Pavlodar oblysynda 5,4 mlrd teńgeden astam somaǵa jalǵan shot-faktýralardy bergeni úshin 5 tulǵa qylmystyq jaýapkershilikke tartylǵan.
