Pavlodar turǵyny 16-qabattaǵy úidiń balkonynan sekirip, qaza tapty, dep habarlaidy "Ult aqparat" Pavlodarnews.kz-ke silteme jasap.
Politsiiada er adam ózine-ózi qol jumsaǵany týraly aitady.
Oblystyq politsiia departamenti baspasóz qyzmetiniń habarlaýynsha, N.Nazarbaev dańǵylyndaǵy 52-shi úidiń aýlasynan 16 qabatta ornalasqan ortaq balkonnan sekirip ketken er adamnyń denesi tabyldy.
- Tekserý júrgizilýde. Saraptama taǵaiyndaldy. Er adamnyń kim ekeni anyqtalýda, - delingen habarlamada.
Eske sala keteiik, budan buryn Pavlodarda politsei ózine-ózi qol jumsamaq bolǵan adamdy toqtatqan bolatyn. Mas adam bes qabatty úidiń terezesinen sekiremin dep qorqytqan.
