- Pavlodar oblysynda keibir sheneýnikter óńirge investorlardy tartýdyń ornyna, milliondaǵan aiyppulmen jáne joǵary salyqtarmen «qorqytyp» jatyr.
Bul týraly jyldyń qorytyndy jinalysynda oblys ákimi Bolat Baqaýov málim etti, dep habarlaidy pavlodarnews.kz.
- Ákimderge bir suraq qoiǵym keledi. Aralaryńda biyl bir investordy tartqandaryń bar ma? - ,dep surady óńir basshysy. Eshqandai nátije kórip turǵan joqpyn. Keibireýleri investorlardy tartýdyń ornyna kerisinshe shoshytyp qoiǵan. Mysaly, SEZ «Pavlodarmen» bolǵan jaǵdaidy esterińizge túsirip kórińiz. Olar qurylys ýaqytynda paidalanylǵan jerlerge 20 million teńge salyq tóleýi tiis edi. Biz milliardtaǵan qarajatpen jumys istep júrgende, osyndai somadaǵy salyq boiynsha úlken shý shyqqan. Ertis aýdanynda 10 jyl boiy jumys istemei turǵan elevatordy jóndep, qaita iske qosqan «Kahalong-Astyq» JShS bir jyl ǵana sharýashylyqqa berilgen jerlerdi paidalanbaǵany úshin 17 million teńgege aiyppul salyndy. Al, Aqsý qalasynda shetelden investor kelip, jylyjai salǵan. Onyń ákelgen qurylǵylaryn kedennen ótkizý úshin oblystyq memlekettik kiris departamenti basshysy Tólegen Sársembaevtyń kómegine júgindik. Osyndai máselelerden keiin bizdiń aimaqqa kim kelgisi keledi. Qolushyn sozýdyń ornyna olarǵa túrli kedergi jasaimyz.
Bolat Baqaýov jinalys kezinde aýdan ákimderine taǵy da investorlardy tartý jóninde eskertti. Budan basqa, aimaq basshysy kelesi jyly EKSPO-ǵa keletin biznesmendermen kelissóz júrgizý kerek ekenin alǵa tartty. - Kórmede Pavlodar oblysynyń investitsiialyq jetistikteri kórsetiletin bolady, - dedi Bolat Baqaýov. "Niet bildirgen azamattardyń barlyǵyn oblysqa ákelip, kásiporyndarmen tanystyrýǵa daiynbyz. Óz kezeginde investorlar bizden qyzyqty usynystardy kútip otyr".
