Túrkiiadan Pavlodar oblysyna arnaiy áýe reisimen jetkizilgen elorda turǵyndary úshin Nur-Sultanǵa deiin avtobýs uiymdastyryldy. Bul týraly oblys ákimdiginen málim etti, dep habarlaidy "Ult aqparat".
«4 sáýir kúni Túrkiiadan evakýatsiialyq reis arqyly Pavlodarǵa jetkizilgen Nur-Sultan qalasynyń 34 turǵyny arnaiy uiymdastyrylǵan avtobýspen elordaǵa jóneltildi. Pavlodar oblysy men Nur-Sultan qalasynyń ákimdikteri tiisti kelisimge keldi: arnaiy jasaqtalǵan avtobýs elorda turǵyndaryn karantindik gospitaldan Nur-Sultandaǵy blokpostqa deiin jetkizedi. Sol jerden olardy elorda ákimdigi jibergen arnaiy kólik kútip alady. Barlyq protsedýralar dezinfektsiialyq-epidemiiaǵa qarsy sharalar rejimin qatań saqtai otyryp júrgiziledi», - dedi ákimdikten.
Málim etilgendei, Túrkiiadan kelgender arasynda Pavlodar oblysynyń turǵyndary da bar. Olar Pavlodar qalasynda karantindik gospitalde qalyp, 14 kúnge sozylatyn meditsinalyq baqylaýda bolady.
Reiste bolǵan barlyq 102 jolaýshydan koronavirýs infektsiiasyna test alynyp, olar teris nátije kórsetken.
